1.Chisien san snem ini de dawan i,
I por khut por khroh ya nga ya phi.
I por ki ‘Ru’ ki bang thylliej-sabar,
I por wow ya pynheh ñia, heh kular.
2.Kylleiñ ki chnong ki thaw da smur da sawa,
Hakhmat u waboon walang wow li e wyrta-chula.
Yieñ ki ‘Ru’ ha ki yurim wa ki thong wa boonjait boonsker,
Kiwa du chilem u yoo, u sñiaw dapleh- da hær.
3.JHADC em naam yong-i,
Ka yung chna aiñ kyrpang ki khon ka Ri,
Ki ‘Khai–ki Piar’ dawa wow mih ha ka,
Yei ‘Hok-Kynti-Dustur-Riti’ wow pynjanai, pynmiat- pynbha.
4.A! lok a jor wa maya
A! Khon ka Ri Pnar-Ri Jaiñtia,
Thij da miat yei wa chaphrang,
Tynjooh boonjait- kam pood kam ang.
5.Jied ya ki ‘Ru’ dei wa pyrkhat-pynchongñia,
Ham dat antaad ham jied tyrma
Ya samboi pathan hadien u thaab thnga.
Ham dai toh dor yei ‘hok’ yong phi,
Yoh won nadien u timpap ka pateiñ ya i.
6.Thij damiat chwa wow e rai
Ham ang rong chisngi næ spah pyrthai.
Kynmoo, i suk wei miat i bha ka ri wa ka jaitbru,
Chong ko, ha i kiwa myntu.
I tip wei chemphang yong i kiwa ynne,
Pateiñ nadien wan wow boodlate.
Composed by: Shri S.D.Laloo
Discussion about this post