Kiwa kyrchaan ka BJP na 17 Malki-Laitumkhrah Constituency da rai ki wow pynyieñ da u Kynsaibor Lyngdoh uwa chong wa sah ha Kharmalki uwa man leh u dkhot ka BJP wei uwa ksoh leh yei kaam Secretary ha ka East Shillong Mandal kam u kyrtong ka seiñ ha kani ka Election MDC cha KHADC.
Ha ka yachemlang yong ki kattu katni kiwa kitkaam ka seiñ ynne ka sngi ha yung krehkaam ka seiñ wa em ha Laitumkhrah da rai da iwi i yumut wow kreh borbah neibynta u Kynsaibor Lyngdoh.
U Kynsaibor toh u wym em de ka bei u pa wei da pyndep u ya ka Base Module Course napoh skurbah NERIST, Arunachal Pradesh deiwa kyrchaan lang ki payu para u.
Hawa e yei klam, u Kynsaibor da ong wa sñiawkhia u hajrong i long i man hapoh ka KHADC wei da ong u wa i por da ih wa ki paidbah ka jylla u kyruiñkhmat noh ki cha ka BJP neibhah da ksoh ko yei synchaar khadar hapoh ka ri wei nadooh wa da synchaar ka BJP, ka ri da yoo ko ya chiboon i kylla wei khamtam hei ye u Prime Minister, u Narendra Modi yow wanrah chiboon ki laad yow pynku ya ka ri wei khamtam ya ki jaitbru ri-loom. Da ong u wa ha jylla Mizoram, ar tylli ki Autonomous District Council da synchaar da ka BJP wei ini pynyoo ko wa ki jaitbru ri-loom pdiang ki ya ka BJP.
Kamtæ da ong u wa khlem pep lada ki paidbah e laad ki ya ki kyrtong ka BJP wow wan hei bor ha KHADC wa JHADC daw wanrah chiboon bah ki myntoi neibhah ka BJP synchaar ko ha Delhi wei nadooh ka mang tangka hadooh wow pynpsiah ya ki Scheme waheh cha ki Council, chong i hei emyatoh wa ka sorkar pyrdi.
Yei pyrtuid u Kynsaibor daw phah cha u District President yong ka Shillong City yow yoh yei mynjur.
Discussion about this post