Jowai: Ka Khasi Students’ Union Jaintia Hills District Unit ynne ka sngi, da pyntip ko wa u pyndam chwa ko yei chong kyllaiñ myngor hakhmat ophis krehkaam ka JHADC ha Jowai haka 28 tarik uni u bnai.
Ya kani ka yakhih da pynbna ka seiñ hei yatoh wa ka JHADC ym pu ye ko u pynkrehkaam ya ki mat dawa ka seiñ hei yatoh wow pyndam noh ya u P.K. Deb yow wada thung kam u Accounts Officer ka JHADC.
Katkam wa da kynnoh ka KSU da ong wa ka JHADC da thung yabor ko ya uni u Dkhar khlem i pynbna yei lait kaam (Advertisement) iwa lai pyrchah yei rukom krehkaam ka JHADC.
Neiliang ka seiñ da pyntip ko wa hadien wada chong pyrkhat ko ynne da rai wow pyndam chwa yei yakhih kyllaiñ myngor kawa da thmu wow pynman hakhmat ka JHADC na ki daw wym ye u kiar.
Discussion about this post