Rai skem ka sorkar pyrdi wow pynku ya waroh ki jait ktien lyngba ka Education Policy wa thymme

Jowai: Ka sorkar pyrdi da pynsñiaw ko yei rai skem wow pynku ya waroh ki jait ktien hapoh ka ri lyngba ka Education Policy wa thymme.

Hawa jubab yeiwa kylli ha Lok Sabha, u Human Resource Development (HRD) Minister u Ramesh Pokhriyal Nishank ynne da ong u wa ka sorkar da chim ko ya ki laad ki luti wow pynskem ya waroh ki ktien hapoh ka ri.

Da pyntip u leh hakmat ka Lok Sabha wa hadien wa da thooh bniah ya ka puræ puthi la ar snem kattu hapoh ka ri, ka Kasturi Rangan Committee da dep chna ko yaka Draft Education Policy wei da e cha ka sorkar haka 31 tarik u bnai wa da dep.

U Nishank da ong u wa ya kani ka Committee da chna ha u Naiynru 2017 wei da pynman ki ya ki 70 tylli ki yalang ha kylleiñ ka ri wei da ap ki leh yeiwa tyrwa nadooh ki bru wa chemphang ha kani ka kaam kiwa em hapoh ka ri kamjooh kiwa na baar ri.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U HRD Minister da pynche u leh wa kani ka Education Policy wa thymme dang man ko du kam ka Draft wei dang booh yaka hakhmat ki paidbah yow ye ki u pynsñiaw yeiwa sñiaw ki chaphang yong ka kamjooh ki kyndon wa ym em yoo biang ki wei ka sorkar leh daw chong pyrkhat ko chwa wow pynmih yaka Education Policy kawa pura.