Jowai: U Heipormi Laloo, uwa jooh kreh kam u Block MIS Manager ka Laskein C&Rd Block, da ieh u yeini i kreh yong oo dei thmu wow yakhun ha kani ka Election MLA 2018 na Mowkaiaw Constituency.
U Heipormi toh wa na ka chnong Mowkaiaw wei da ieh u yei kreh kam u Contractual Block MIS Manager yong ka scheme MGNREGA hapoh ka Laskein C&RD Block kawa da jooh kreh u nadooh u snem 2007 wei haka 17 tarik uni u bnai da rai u wow ieh noh u yeini i kreh.
Da pyndep u yei puræ hadooh ka kyrdan Bachelor of Fishery Science (BFsc) na West Bangal University of Animal and Fishery Science Kolkata ha u snem 2003.
Oo da jooh man u kam u General Secretary ka Dorbar Chnong Mowkaiaw ha u snem 2010 wei neidaw wa em i thmu u wow psiah cha ki kaam saiñ hima da ieh u yeini i kaam ha u Naitung (April) 2017.
Heijooh i por da ong u wa katni dang yakhun u wow yoh ya ka ticket na ka party UDP (United Democratic Party).
Ki phang wa yeiñ Election u toh yow pynyoh sarok hapoh ka Constitieuncy, u pynbiang ya ki thaw sumaar, u thooh laad wow pyndooh ya ka dooh ka duk, u pynku yei sap ki kynroo khyllood, u pynyoh kaam, u pynkhlan ya ka puræ puthi wa kiwi kiwi.
Discussion about this post