Jowai: U Hilarius Dkhar uwa Man uwi na ki kyrtong MLA yong ka 1-Nartiang Constituency ha u snem 2013 uwa da yoh hadooh 9,534 Vote, ha kani ka kynti da rai noh u wow kyrchaan pura ya u Sniawbhalang Dhar.
Da ong u wa ha kani ka kynti ym kwah de u wow yaleh pyrchah ya u ma Sniawbhalang Dhar hadien wada yoo u ya ki kaam wa bha wada khreh u ha kini ki snem wa dadep.
Heijooh i por da ong u leh wa u Sniawbhalang man u sakhiat u bru uwa kreh chitom neibynta ki wa kup chiliang ki sem chiliang wa ya ka constituency hi waroh kawi katwa kamtæ ka constituency dang emkaam ko ya oo (Sniawbhalang).
Da kyrmen u leh wa u Sniawbhalang daw pteiñ u wow kreh chitom ym du ya ka Constituency tangwa ya ka state hi waroh kawi ha kini ki snem wow wan.
Ha u 2013 u Sniawbhalang Dhar da yoh u hadooh 18,392 vote katwa u Hilarius Dkhar da yoh u 9,534 Vote.
Da ini i kyrchaan u Hilarius ya u Sniawbhalang dang skem chooh chooh wow neh u kam uwa mihkhmat ka 1-Nartiang Constituency ha u 2018.
Discussion about this post