April 8, 2019
0 Comments
Shillong: Uwi na ki heh ka Congress u John F Kharshiing uwa da mih na ka Party, ynne ka sngi da e kyrchaan u ya ka Meghalaya Democratic Alliance (MDA) kamjooh ya u kyrtong MP ka United Democratic Party (UDP) na Shillong u Jemino Mawthoh.
Yeini i rai u John da e u hawa yaklam wa kiwa pathai khubor ha yung krehkaam ka National People’s Party (NPP) ha Shillong.
Ha kani ka sngi ya u John da synraan da u Vice-president ka UDP, u Allan Franklin Dkhar wa u Dr. DD Lapang na ka NPP.
U John da ong u wa chim u ya kani ka rai toh katkam wa yoo u yei tylli wei angnood ki Party ka thaaiñ wei wa ka jylla Meghalaya da phær ko na ki por nachwa.
Da pynrap u leh deiwa ong wa ki paidbah da kwah ki wow yoh ya u kyrtong monlang, uwa man na ka sorkar synrop MDA.
Da kyntait u leh wa i daw wa yut u na ka Congress toh wa man ko ka lieñ wa da ngam deiwa ong wa ki seiñ ri-loom da wanrah ki ya ki thong yong ki chirup hajrong ka miej wei oo haap rai u katkam wa man hajrong ini i yatylli.