Jowai: Katkam ka khubor wa phah u Marbud Kyndiah da ong u wa da rai u wow yieñ kam u kyrtong ha kani ka Election MLA 2018 hadien wa dep pynman ya ka yalang paidbah ha ka 30 Naiynru 2017 ha Ummulong wei da wan ki paidbah da ki hajar ngut kiwa da e mynsien ya oo wow yakhun Election u.
Da pyntip u leh wa katkam i sur ki paidbah ha katai ka yalang da kyrchaan ki ya oo neidaw wa da yoo ki ya ki kaam wa da kreh u kam u MDC ha ki snem wa da dep. Kiwa kyrchaan da wan ki na Par Umkhen, na Ummulong hadooh na Khanduli kiwa da kyrpaad ya oo wow chim u ya kani ka lyngkor wei ym artatien wei daw jop bait u ha ka yaleh.
Da ong u leh ka yurim wa yieñ Election u toh wow leh pyrchah yei chah khang tih mooyong, tih chyiap tih moo, i chah yohroit ki dorbar chnong, i dooh kreh ki khynroo khyllood wa da dep puræ ha ki kyrdan waphær waphær wa i chah lehbieñ kiwa dooh wa duk kiwa em cha nongkyndong ki wym yoh bordiñ, yoh sarok ki skur wa kiwi kiwa emkaam ki.
Kamtæ da rai wow chim ya kani ka luti wei da man u leh u bru wa da ih bha wei da man ko ka kaamram yong oo wei manda jop u daw krehkaam u yow wanrah yei angnood ki paidbah pynkut ka khubor na u J. Marbud Kyndiah.
Discussion about this post