U President ka United States of America, u Donald Trump da ong u wa da yoh u yei kyrpaad na u khlieh ka Qatar, u Tamim bin Hamad Al Thani, u khon syiem (Crown Prince) ka Saudi Arabia, u Mohammed bin Salman Al Saud wa u President ka United Arab Emirates, u Mohamed bin Zayed Al Nahyan wow sangeh u hiar thma ya ka Islamic Republic of Iran kawa toh u sdang ynne ka 19 tarik.
Da ong u leh wa katkam wa man kattæ i yaklam dang man iwa lai chaphrang heiwa ki lok ka USA wa kiwi daw myntoi bha ki na i rai na i yaklam.
Chooh chooh da ong u wa i rai yakut u kynthup i leh yei wym chah u chna Nuclear Bomb ka Iran.
Kamtæ deiwa chaniah ya ki heh kitai ki ri da phah u ya u Secretary of War, u Pete Hegseth, u Chairman ki Joint Chiefs of Staff, u General Daniel Caine wa ki chipai ka USA wym toh u hiar thma ya ka Iran ha kani ka sngi wa da booh tangwa da phah ya ki wow man kiwa pynkhreh ha iwon iwon i por.
Discussion about this post