U Montri ka sorkar jylla uwa man man leh uwi na ki MLA ka Jaiñtia Hills, u Wailadmiki Shylla, da ong u wa i pteiñ i kynrum kynram toh nei kylla ktien palat ki bru na Karbi Anglong.
Hawa klam ynne ka sngi, u Wailadmiki da ong u wot hawa da bait deiwa yaklam dei ktien, tangwa boonsien ki bru na Karbi Anglong da kylla ktien ki chibet kamtu chibet kamtai wei ini da wanrah i yei kynrum kynram ha Lapangap.
Da ong u wa ki bor District ka West Jaiñtia Hills da booddien ki wow paitbniah yei long i man wei da yachem ki leh wa ki bor na Assam yow ya pynbait heiyatoh wa ini waroh.
Kam wow kdaw heini wa ki bru na Lapangap da kthang ki nei chah pyndik dei langær ha ki bru na Assam kiwa wan yow pynthut wei khanglaad u lai rep cha ki pynthor ki hali yong ki.
Hadien wa wan kiwa chong chnong ka Lapangap yow lai toor cha Secretariat, neiliang ka sorkar da ong ko wow lai rep wei u e yada tangwa ki Karbi won da pynthut wei khanglaad ki heiwa manda yaklam da paan poor u MLA ki Karbi yow yaklam chwa wei ini da pynslem biang i yei ya pynbait yei kaam.
Discussion about this post