Randien u Dolloi Elaka Nongkhlieh na ka Dorbar ki Dolloi hei yatoh wa i khrong dan

Jowai : Ka EC yong u ma Thombor Shiwat hadien wa da dep phah ko ya ki kot ki sla cha ki Dolloi yow khang noh ya waroh ki thaw khrong dan ki (Customary Tax) kiwa dang sdang ha kini ki tayaw wa dep wei da kam leh wa ini i leh ki Dolloi toh iwa tyngkheiñ ya ka aiñ kamjooh ya i bor yong ki katkam wa da booh ha ka sanat wa da pdiang ki, da sdang u phah hajir ya ki Dolloi hei yatoh wa ini waroh.

Katkam i ong u CEM, ki Dolloi da e mukotduma ki ya ka JHADC deiwa ong wa waroh ki chithi wa phah ka council cha ki toh kiwa man be-aiñ.

Hei yatoh wa ini ka EC deiwa sdang nadooh ynne ka sngi da phah hajir ki ya ki Dolloi waroh (lait noh ki Acting Dolloi) 3 ngut chi sngi yow yoh i pynche na ki yei wa leh ki.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Ynne ka sngi da wan u Dolloi ka Satpator, Narpuh wa u Dolloi ka Nongkhleih. Neilaing u Dolloi ka Nongkhleih u ma Na U I Kyrmen Sukhlain da ong u wa hadien wa yoh u yei pynche na ka EC wa emlang u CEM, u Deputy CEM u A. Shullai, u J.R. Pyrtuh, u P. Dkhar wa kiwi kiwi da ong wa oo kwah u lai katkam ka kyndon ka JHADC tangwa kat yei hok hi yong ki Dolloi chadooh cha Delhi leh oo u lai u.

Da ong u leh wa neilaing yong oo da sangeh u wow kyrchaan yei khrong poisa ki Dolloi kamjooh da ong u leh wa sa kiwi ki daw toh wa ym pu em yoh u chong dorbar yow sñiaw ya i sur ki paidbah wei ya ki kot ki sla wa da dep soi u hei yatoh wa ka khrong toh wa da pyntip cha oo wa man ki katkam ka aiñ.

Katwa neilaing u Dolloi ka Narpuh wa ka Satpator won ym em randien ki.

U CEM leh ong u wa ka seiñ ki dolloi kawa tip kam ka Dorbar ki Dolloi Ri-Jaiñtia toh kawa ym tipmip ka JHADC wei ym jooh em u wan pyntip ya ka cha ka Council.

Neiliang ka council da ong ko leh wa dang yieñ ko ha i nongrim wa ini i khrong dan ki dolloi toh iwa man pyrchah ya ka aiñ wei da dep pynche ki leh cha ka Supreme Court hei yatoh wa ini wa i khrong dan ym jooh em leh cha ki luti syngkieñ wa cha ki National Highway.

Ki dkhot ka EC da ong ki leh ym ye hadooh ynne ka sngi u tip tikna ya kani ka Customary Tax neibhah neilang ka Council da dep phah kot ko cha waroh ki Elaka yow pyntip ki ya riti dustur hei yatoh wa ini tangwa dang duna bha kiwa jubab hadooh ynne ka sngi.