15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ranji Trophy: Jop ka Meghalaya yaka Arunachal da chi Innings wa 248 Run

0 Comments
Advertisement ad1
Advertisement ad1
Advertisement ad1

Shillong: Ka Meghalaya da jop suk ko yaka Arunachal Pradesh da chi Innings wa 248 Run haka sngi wa le ka yalehke ka Ranji Trophy wa pynman ha Dibrugarh ynne ka sngi.

Ka Arunachal da pteiñ ko na iwa ieh ko ynnin ka sngi na 115/5, wei da haap lut ki Wicket ko hadien wa kamai ko 222 Run kamtæ da phah Bat biang (Follow on) yaka Arunachal kawa da ye wow kamai du 106 Run.

U Guest-professional ka Meghalaya u Sanjay Yadav toh uwa lehbha dooh na kiwa kawang bol ka Meghalaya, uwa da yoh waroh 7/85 (3/61 haka Innings wa nyngkong wa 4/24 haka wa ar).

Kiwi de kiwa yoh Wicket yaka Meghalaya toh u Chengkam Sangma (3/53), u Ravi Teja (3/43), u Aryan Borah (3/21), u Abhay Negi (3/77) wa u Mohammed Nafees Saddique 1/22.

Yaka 250 Run u Punit Bisht da yoh u leh yei naam Man-of-the-match.

Katwa ka yalehke Ranji Trophy da kut ko, sa kawi ka yalehke hapyrdi ka Meghalaya waka Arunachal da sdang ko haka U-23 Col CK Nayudu Trophy.

Ka Meghalaya da jop ko yaka kylla khlem wei da phah Bat nyngkong ko yaka Arunachal ynne ha Mangaldai, Assam.

Ka Arunachal da chah pynhaap lut ki Wicket ko hadien wa kamai ko 153 Run, u Elchiang Ch Momin da yoh u 4/34, u Anish Charak 3/22 wa u Roberth Sangma 2/30.

Hawa jubab, ka Meghalaya da yoh ko 92/4 hadooh wa kut ka yalehke ynne ka sngi deiwa bood 61 Run. U Rohit Shah da kamai u 35 Not out wei da yoh lok u wa u Roshan Warbah (11 Not out) yow pteiñ yei Bat mynstep ka sngi.

Share this:
Previous

Da ka Love the Law Bike Rally lehkmen ki pulit yaka Valentine’s Day ha Jowai

Next

Khlaad noh u Lead Guitarist ka Parikrama u Sonam Sherpa