U Working President ka United Democratic Party (UDP) uwa man leh u Chief Executive Member ka KHADC, u Titosstarwell Chyne da ong u wa ha ka sorkar khleh khoo lang, ki seiñ wa yahkhmat ya ka sorkar rap embor ki bar ya kiwa kyrchaan ya ka sorkar.
Ha kiwa boon ki khep u MLA ka UDP, u Lahkmen Rymbui uwa man leh u Montri ka sorkar uwa pait ya ki kaam Pohyung wa ka Puræ Puthi da ye u wow rai wow pynhun ya ki seiñ wa yakhih khamtam kiwa sikai, katwa manda yachem wa ki Montri ka seiñ NPP won da man i mar dei kangtleiñ.
Hawa kylli hajrong ini, u heh ka UDP da ong u wa i eh i khor ha ka sorkar khlæh khoo toh kiwa yah ya ka sorkar rap embor ki bar ya kiwa kyrchaan won nadien.
Da ong u wa kamwa man katni ha i kaam kiwa sikai kiwa dawa tulop, u Montri ka chnat uwa man leh u MLA ka UDP ym em bor u wow chim rai heitu wot, wei ymye u wow rai ya ka tulop neibhah ymtoh oo uwa pait ya ka chnat muna tangka.
