Republic Day Cup: Jop ka Iawmulong Nartiang, Kseh Sylle, Iawmusiang Nangbah, Catholic Youth waka Panaliar

Ka Republic Day Cup U-13 Football Tournament 2024 kawa pynman da ka West Jaiñtia District Sports Association (WJDSA) da poi ko cha ka sngi wa ar ynne deiwa pynman biang 6 tylli ki yalehke.

Ha ka yalehke wa nyngkong, ka Iawmulong Nartiang da jop ko yaka Chilliangraij da 4-0 da ki kool wa thap u Y. Maskut haka minit wa 7, u M. Maskut haka minit wa 25 wa u K. Pyrtuh haka minit wa 42 wa 47.

Ha ka yalehke wa ar, ka Kseh Sylle SC da jop ko yaka Lumkyrwiang SC da 3-0 lyngba ki kool wa thap u Khainmi Pale haka minit wa 22, u Emihashwa Dhar haka minit wa 50 wa u Rijuban Dhar haka minit wa 53.

Ha ka yalehke wa le, ka Iawmusiang Nangbah da jop ko yaka Luti Tuber da 1-0 da ka kool wa thap u Kyrkhumitre Lamare haka minit wa 42.

Ha ka yalehke wa soo, ka Catholic Youth da jop ko yaka FAM da 1-0 lyngba ka kool wa thap u Wandame Pahwa haka minit wa 27.

Related posts

U sdang ka Semi Final ka Super Division ka WJDSA da ka yalehke hapyrdi ka Khimusniang wa ka Demthring

December 2, 2025

Jop ka Mooknor Thadmuthlong ya ka Ladthadlaboh ha ka Super Division ka WJDSA

December 2, 2025

Ka yalehke wa san hapyrdi ka Chutwakhu waka Mynthong da kut ko da 1-1. Heiwa yaka Chutwakhu da yoh u thap kool da u Yokhain Pyrtuh haka minit wa 29 katwa yaka Mynthong da thap da u Jomison Shylla haka minit wa 5.

Ha ka yalehke wa ynru, ka Panaliar da jop ko yaka Dulong da 4-2.

Ya ka Panaliar da thap kool da u Sawa O Phira haka minit wa 9 wa 22, u Lewa O Sumer haka minit wa 50 wa 52 katwa yaka Dulong da thap kool da u Ozil Langshiang haka minit wa 55 wa 60.