Rieh ki kchaaid wa ka wah wa khooid bha ha kawi ka chnong ha Ri-loom Jaiñtia

Jowai : Ymtoh man i por yoh u chem yei thaw wym em plastic, ym em jhep, ym em ki sniooh syiar kiwa ieh kiwa baamdoh charood wah, ki pliang kot pliang plastik ki klong kiad ki tdong biri sikret wa pyndap la jan kat cha walai ki thaw ka-it ki bru u lai uiñsawari hapoh ri-loom Jaiñtia.

Neiliang u Wyrta da yoh u chem ya kawi ka wah wa em boon ki kchaaid kiwa heh wa kiwa khian kiwa ye u phi u lai hadooh ha tre wei man ki kiwa jngiar wa chynna hadooh ha tre kamjooh leh ya ki dakha wa im ha tymbud kani ka wah. Ha ini i thaw wa yoo phylla dooh toh wa ym em jhep ym em plastic kat cha wa pait.

Harood ka wah em boon ki dieñ soh Saphai wa ki tre chnong wan kheit ki wei li dai ki ki cha ki yaw wa boon.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Harood ka wah em ki hali hator ka chnong kamjooh leh ka khloo wa rben kawa yada na ka sngi heipor wa chit wa ye u rieh tngen pyn harood ka wah.

I thaw toh iwa suk u lai kjat kamwa du 15 minit na ka chnong da poi ha ka Kchaaid wa nyngkong. Hadien kani ka kchaaid lada bood ya ka wah hapoh 10 minit donhi da em sa kawi ka kchaaid wa rap khian wei man ko leh wa da ker soodong da ki dieñ kani ka thaw ka um leh stang ko wei ye u chongke ha ki moo wa em heini i thaw.

Rap ha wah kani da em sa kawi ka kchaaid wa rap khian kiwa tbian ka um wei harood kani em ki dieñ Saphai.

Kani ka thaw toh boon ki wym pu tip wa em kam kani, wei neiliang u Wyrta leh ym pu em kwah pynbna pyrthai ya ka neibhah neiliang ka chnong dang pyrchang ki u yada ya ka wei manda man ka chnong kawa da ye u pdiang ya kiwa wanke wa boon daw pynbna paidbah yei thaw wa em kini ki kchaaid wa ka wah.