Uwi u YouTuber da wiar u heipor wa chna Reel ha ka kchaaid Duduma ha Koraput District ka jylla Odisha wei ya uni u YouTuber da tip kam u Sagar Tudu (22 snem) uwa na Berhampur, Ganjam District.
Ini da jia i heipor wa u Sagar dang chna Reel u ha ka kchaaid deiwa pynemkaam da ka Drone Camera ha ka 23 tarik uni u bnai.
U Sagar da lai u cha Koraput, wa u lok u, u Abhijit Behera yow chna Reel ya u YouTube Channel yong oo.
Ha i Video wa yoh u riñ yeiwa jia da yoo ya u Sagar wa yieñ u hajrong u moo hapyrdi ka wah chwa wow pynlait um na ka Machakunda Dam yeiwa da pyntip chwa ya ki paidbah wa daw pynlait um neidaw u slap tangwa ym tip wa lada u Sagar tip u yeini næ da lai chynnam u cha ini i thaw heiwa da em chwa ki bru harood um kiwa da emlang wa u tylle ha kti ki.
Syndet da wan ka um heh kawa da rong ya u Sagar cha ka kchaaid wei ki bru wa yoo yeini ym ye ki wow yarap ya oo.
Mar ya tip yeini ki pulit ka Machkunda wa ka Fire Brigade da wan ki cha ini i thaw wow thooh ya uni u YouTuber.
Discussion about this post