U President ka UDP, u Metbah Lyngdoh da ong u kiwa yahkhmat ka Party daw yachem ki wa u Montri Rangbah ka jylla mar ya poi u chapoh ka jylla yow yaklam chaphang ka Roster System deilang wa ka Reservation Policy neibhah kini ki kaam toh kiwa ktah bha ya ki paidbah wei ka UDP daw leh ko yei bynta yong ka yow ye ka sorkar wow chim yei rai wa biang.
Da ong u wa ka ya ini i kaam hap wow leh deiwa pyrkhat sani bha wei deiwa sñiawthooh yow ye u pynbait noh wei ka UDP em ko i embynta wa emkaam heiyatoh wa ini neibhah ka sorkar hap ko wow chim yei rai hawa khaddooh.
Chooh chooh da ong u wa ym emkaam wow lai kbai lai awri wei yeini toh u leh ha ki rynsan wa biang wei i yaklam chwa wa u Montri Rangbah toh iwa biang dooh wow ya pynbait heiyatoh wa ini.
