Rs.12,000 klur u dooh nong ka Odisha neiwa pynkylla ya ka aiñ MMDR Act, ong u CM warim

U Chief Minister warim ka jylla Odisha uwa man katni kam uwa yahkhmat ka Liang Pyrchah, u Naveen Patnaik da thoh u cha ki MP ka Odisha kiwa jop na ka BJP yow kyntu ya ki wow pyrkhat ki neibynta ki khon ka jylla hadien wa ha ka 13 tarik uni u bnai da mynjur ya ka Mines and Minerals (Development and Regulation) Amendment Bills, 2026 hapoh Lok Sabha deiwa kyrchaan kini ki MP.

Da ong u wa ya kani ka Bill da mynjur ka deiwa yatai iwa du hapoh 10 minit donhi wot hawa iwa ktah ko toh iwa yaar bha neibynta kiwa chong chnong ka Odisha.

Da kdaw u wa ka Odisha pynmih ko ya awjan 44% ki mar pohkhyndaw ka ri wei da ki phaw snem da yarap ko wow chna Steel, u pynmih bordiñ, u tih mar pohkhyndaw wa kiwi de kiwa da pynku pynkhlan ya ka India kat dang lai ka sngi.

Tangwa kattu deiwa pynyklla ya kani ka aiñ daw dooh nong ka Odisha da palat Rs. 12,000 klur kawa daw poi da ki lak klur kat dang lai ki por heiwa iwa sih chooh chooh iwa chah ktah toh wa da dooh hadooh i hok ka jylla ya ki mar pohkhyndaw.

Related posts

Kynthiar ka bei wa u pa najrong yingkieñ deiwa ieh ya u khon wa dang 3 snem ha ka Scooty

August 29, 2026

Wiar 10 ngut kiwa na Assam ha Nepal

August 29, 2026

Kam wow kdaw heini wa hadien wa mynjur ya ka Bill ha ka 13 tarik, neiliang ka President ka ri da e ko ya ka muhor yong ka ha ka 17 tarik uni hi u bnai yow man aiñ noh iwa da pynkylla.

Ki bynta wa da pynkylla toh yow khang ya ki sorkar jylla wow kheiñ dan (Tax, Cess) wa kiwi de neibynta ki mar pohkhyndaw wot ya ki thaw wa em ki mar pohkhyndaw.

Neiliang ka sorkar pyrdi da ong ko wa ini i pynkylla toh neidaw wa kiwa boon ki jylla da kheiñ ki hadooh 14 tylli ki Tax heiyatoh wa i tih mar pohkhyndaw nadooh ka Royalty, Auction Premium, Dead Rent, DMF Payment, GST wa Transit Fee wei da em leh ki jylla da kheiñ Tax ya ki thaw wa em mar pohkhyndaw iwa dapoi hadooh 20%.

Kamtæ da ong wa deiwa boon kini ki dan da pynman ko yei tih ya ki mar ka wym yoh nong hadooh wa dang toh dor u wanrah mar pohkhyndaw na baar ri bar yow tih ya uwa da em hapoh ri.

Deiwa em ka kyndon thymme ka Section 9D, daw em kawi donhi ka Tax ka wow man katkam wa da phah ka sorkar pyrdi wei ki sorkar jylla ym ye ki wow chna da ki yong ki hi ki dan wa ki kyndon lait na iwa da booh ka sorkar pyrdi.

Da ini, waroh ki dan kiwa sah khlem su daw kheiñ toh kiwa da yap wei ki sorkar jylla ym ye ki wow lai paan ki.