Uwi u khynnah wa dang le snem da man khonswet u hadien wa ka bei wa u pa u da kynthiar ki najrong kawi ka yingkieñ chapoh ka wah Godavari ha West Godavari District ka Andhra Pradesh iwa da jia hei miet ka 27 tarik.
Kini ki chi kurim toh kiwa tip kam u Dodda Sai (29 snem) wa ka Shireesha (28 snem) kiwa chong chnong ka Velpuru.
Katkam wa chem ki pulit, kini ki chi kurim dapoi ki ha kani ka yingkieñ heipor 10:00 waje i miet da ka Scooty deilang wa u khon ki wei da ieh ki oo ha Scooty chwa wow kynthiar ki chapoh ka wah Godavari heipor wa kmai um bha ko.
Ya uni u khynnah da sñiaw wa yaam wei khut u ya ka bei wa u pa u da ki bru kiwa em chajan kiwa da wan smat wow yarap ya oo heiwa da khyrngiat ki wow yoo wa em u samen samen hajrong ka Scooty.
Ki pulit manda poi ki ha kani ka thaw da chimkti ki ya uni u khynnah wei hadien da e oo cha kiwa emyatoh u wei dang yaleh wow thooh ya ka bei wa u pa u.
Ki pulit deilang ki bru wa pliah u ngam um dang pteiñ ki wow thooh ya kini ki chi kurim.
I takit wa dang sdang da chem wa u pa toh uwa kreh kam uwa yah kari wei jooh kreh u cha Middle East tangwa hadien da liwan noh u cha Andhra Pradesh. Ki pulit da suba ki wa kini ki chi kurim toh kiwa da dap ram iwa pynman ya ki wow leh hadooh katni wei da tyrwa dai ki leh yei yung ki.
Tangwa ini waroh ym pu ye wow pyntikna wei u tip leh yei daw sakhiat wa da leh ki yeini.
Discussion about this post