U kyrtong ka INC na 15-Raliang Constituency, u Welpard Suchiang uwa da thap pyrtuid wow yakhun yaka Election MDC cha ka JHADC, da ong u wa kam u bru wa chakri sorkar nadooh u snem 1998 hadooh 2002 hapoh ka Laskeiñ Block, da pyrchang u wow yakrehlang katwa ye wa ki paidbah hadooh wa chong-ngiah u kam u Assistant Director ha u 2018.
Hei lai luti wei lyngba i chem u yei eh i khoo ki paidbah nadooh kiwa kreh District Council, jooh pyrkhat u samen ileh jia kamni wot hawa boon ki mar pohkhyndaw wa ye u pynmih poisa, kamtæ pyrkhat u bar u dooh thiah wow pyrkhat, dang lah wa mih chakhmat u yakhun da ka Election khnang wa lada jied ki paidbah yow yoh ka laad u pyrchang la heiyatoh u pynyoh ka Direct Funding, i pynmih poisa na ki Cement Plant wa kiwi ki bynta.
Pynrap haroh u wa ki um ki wah toh kiwa angnood bha u wow pynim pynneh pynsah neibhah wa da joor i pynemkaam bakla, chim u leh ka rai wa lada e laad ki paidbah wow poi haka thong i jop, han lym yoh Scheme na ka District Council leh, Rs. 2 lak chisnem u sai u na kata yow pynim ya ki wah wei pynneh pynsah ya ki dohum dohwah, neibhah ki dohum dohwah leh yarap ki wow pyndap pynkot yaki yung ki sem.
Discussion about this post