U Prime Minister Narendra Modi da khyrwait u yaka Congress Party hadien wa yoh kem poisa kawa dapoi hadooh Rs. 200 klur na u MP ka Congress hadien wa lai kynreh ka Income Tax Department ha jylla Odisha wa Jharkhand ynnin ka sngi.
Uni MP ka Rajya Sabha toh uwa tip kam u Dheeraj Sahu.
Kani ka poisa toh kawa da chem na Boudh Distillery Pvt Ltd kawa embynta lang uni u MP kawa em ha Odisha heiwa kawa boon na ka poisa wa chem toh ha kani ka thaw. Kiwi de ki thaw wa chah lai kynreh toh ha Sambalpur, Bolangir, Titilagarh, Boudh, Sundargarh, Rourkela wa Bhubaneswar.
Yow niaw ya kani ka poisa da hap khut ya 30 ngut kiwa kreh ha ki Bank wei da pynemkaam leh phra tylli ki kor niaw poisa.
Kani ka poisa wa chem toh kiwa da booh hapoh amlari ha kani ka yung krehkaam kani ka thaw chna kiad kawa em ha chnong Sundargarh.
Hajrong ini, u Modi da ong u kiwa chong chnong ka ri toh u pait ki ya kani ka poisa wei wow ap leh yei kam ki heh ka Congress kam ki bru wa khooid.
“Waroh kani ka poisa wa da tooh na ki paidbah daw pynuiñ ka, ini toh i kular u Modi,” da ong u Prime Minister.
Discussion about this post