Rs. 200 klur wa da yoh yow pynchna ya u NH-6 ymtoh Rs. 290 klur: PWD

Ka chnat PWD (R&B) da pynche ko yei mih khubor wa da pynlait ya ka poisa wa Rs. 290 klur yow chna pynmiat ya u sarok NH-6 ha ki bynta kiwa nadooh Jowai chadooh Ratacherra.

Da pynche deiwa ong wa ka NHAI da mynjur ko wow chna pynbha pynchkeh ya u NH-6 ha ki bynta ka Jowai-Ratacherra iwa dapoi i lut Rs. 200.81 klur wei yeini da dep wow pyntikna ha ka 17-10-2023 lyngba ka chithi Letter No. E811162 wa em tarik 01-11-2023.

Hadien ini da sdang yei kreh deiwa bhah ar tylli ki Package wei ka Tender neibynta ka Package-I da man ko neibynta wow pynchna pynchkeh ya u sarok nadooh 69.200 Km hadooh 120.200 Km wei da dep wow pynbna leh yeini lyngba ka chithi Letter of Acceptance vide letter No. 25941 kawa da pynmih ha ka 07-02-2024 wei da soi ya ka Contract ha ka 08-03-2024 hei lut wa Rs. 77.81 klur wei da sdang i kreh ha ka 23-03-2024.

Ka Tender neibynta ka Package-II neibynta u chna pynmiat wei chna pynchkeh kamjooh yow pynchna biang manda sih nadooh na 120.200 Km cha 171.455 Km dadep wow pyntikna lyngba ka Letter of Acceptance No. 25914 kawa da pynmih ha ka 02-02-2024, wei ka Contract da man ko Rs. 122.99 klur wei da yasoi ha ka 22-02-2024 wei i kreh da sdang ko ha ka 22-03-2024.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Heiyatoh won wa kitu ki thaw wa khlan bha u sih u NH-6 wei kammon u leh yow yada na ini, da jied da ka M/s THDCIL iwa leh da ka NHAI yow pynkhreh ya ka Detailed Project Report (DPR) yow yada nei oor khyndaw wei wow pynskem ya ki chariñ loom kiwa em ha ki 7 tylli ki thaw wa kynthup leh ya yei oor khyndaw ha ki bynta ka Sonapur Tunnel.

Ka soskular MoU dadep wow soi ka hapyrdi ka NHAI waka M/s THDCIL ha ka 15-02-24 yow pynkhreh ya ka DPR neibynta kini ki 7 tylli ki thaw. Wei ka DPR neibynta kini ki thaw da man ko Rs. 89.90 klur kawa da e da ka THDCIL wei da phah cha ka Regional Office ka NHAI wa em ha Guwahati ha ka 18-06-2024 yow pynkhreh yei kreh wei wow khut ya ka Tender.

Ya kani ka Rs. 89.90 klur da lai paan da u Montri Rangbah ka jylla, u Conrad K. Sangma ha ka 24-06-24 heipor yachem u wa u Nitin Gadkari uwa man kam u Montri ka Ministry of Road Transport & Highways ka sorkar India.