Hadien wa i kjut sniang wa tip kam i African Swine Fever da poor i ha ki kattu katni ki bynta ka jylla Meghalaya, neiliang ka sorkar jylla ynne da ong ko wa i poor ini i kjut toh iwa da hiar.
Neiliang u Principal Secretary ka Animal Husbandry and Veterinary Department, u FR Kharkongor da ong u wa ka chnat da phah ko ya 162 tylli ki Rapid Response Team wa ki Task Force wow lai cha ki thaw wa chah ktah.
Da ong u leh wa ki thaw wa em ki sniang wa yoh ya ini i kjut toh ha East Khasi Hills, Ri Bhoi, West Khasi Hills wa Eastern West Khasi Hills.
Da khana u leh wa ka sorkar u e yarap poisa ko Rs. 4000 cha kiwa ri sniang kiwa da dooh nong nei yap ki sniang.
Da pyntip leh wa ka sorkar dadep ko wow wanrah ki dawai tika yow yada na ini i kjut wei em leh kiwa da pyrchang wow e dawai.
Discussion about this post