Hadien wa dung ya ka chan warim hadooh 20 sien, pyrchang won u pynkut yei mynsien deiwa ah rdang  

Kawi ka bru wa em 30 snem i rta da chah dung yap ko pyn ha u para wa krehlang ko uwa man leh u chan warim ko ha kawi ka Company ha Mohali, uwa da dung won pyn ya idæ hadien wa leh u yeini i kaam.

Ini da jia i ha ka 4 tarik uni u bnai heipor kamwa 6:30 i miet heiwa ya uni u bru da tip kam u Harvinder Mann (39 snem) uwa da pyrchang wow pyntkut yei mynsien u deiwa dung pyn ya-oo hi na rdang hadien wa dung yap u hadooh 20 sien ya ka chan warim u wa tip kam ka Dimple. Ya kini ki ar ngut da kit cha Hospital heiwa ka Dimple da yap noh ko katwa u Harvinder won da chitom joor u.

Ya u Harvinder da pynngat ya oo hapoh ki kyndon tynyap bru.

U Harvinder wa ka Dimple toh kiwa na Patiala, wei da kreh ki chirup ha kani ka jooh ka Company kawa song wei kit ya ki mar wei sah ki ha jar jiar ki Paying Guest ha Mohali.

Katkam i Video CCTV da yoo yeiwa wan u Harvinder nadien ka Dimple kawa dang kreh ha ka miej heiwa da sdang u wow dung ka na ki bynta i ryngkhi wa ki tympha kamwa soo sien chwa wow yoh ko u yieñ yow yut heiwa da kdong u ka.

Ka Dimple da pyrchang ko wow yut deiwa mih na ka dwar kani ka Office tangwa u Harvinder da bood u ka nadien heiwa da yoh u wow ksoh ka na sniooh heipor wa wai dwar ko heiwa heini i por kiwi ki para wakreh da pyrchang ki wow yarap tangwa u Harvinder da maham u ki da ka tari wei da pteiñ u wow dung ya ka Dimple boonsien heipor wa da thiah yap ko tre ka dwar.

Hadien ini da psiah u chapoh Office wei da sdang u wow dung pyn ya idæ hadooh 30 sien ha rdang wei da pyrchang u leh wow ah ya u rdang u.

Ka Dimple wa u Harvinder toh ki chi chan tangwa da yalait noh ki la kattu katni bnai heiwa u Harvinder da kwah u wow pynim biang yeini iwa da pynchrai ya oo wei ha ka sngi wa jia ini da em leh i yamai hapyrdi kini ki ar ngut hadooh wa poi chadooh ini wa jia wa sñiawsih.

Related posts

Lehwarom ka Balang Presbyterian Mookympad ya ka World Environment Day

June 5, 2026

Rs. 4000 e yarap ka sorkar cha kiwa yap sniang nei kjut African Swine Fever

June 5, 2026

U Aman Baidwan, Station House Officer Phase-11 Police Station, da ong u wa ki pulit da yoh yutip ki yeini heipor kamwa 7:40 pm heiwa da phah ya ki pulit cha ini i thaw.

Ye phi leh u pait heini: https://twitter.com/thetatvaindia/status/2062758814408147316?s=20

Wa heini: https://twitter.com/HateDetectors/status/2062736221697409461?s=20