Uwi u khynroo na Punjab, India da wanrah u yei yañia wa har rukom Online hadien wa khana u yei kreh kam uwa pynlang jhep wa ka tulop wa yoh u ha Dubai.
Ini i Video da poor bha i wei da wanrah i yei yañia ha Social Media heiwa da bichaar ya ka nongsngi wa yoh hapoh ka ri wa cha baar ri heiwa da boon kiwa beh yei kreh cha baar.
Ya uni u khynroo da tip kam u Abhishek Singh, wei da mih i Video u ha ka Account u Jagdish Chawla.
U Singh da lai u cha Dubai kamwa 7-8 bnai chwa lyngba u payu yong oo uwa yah kari ha ka jooh ka Company ha United Arab Emirates.
Da khana u wa chwa wow lai cha baar ri da puræ u ha Punjab.
Katkam wa man katni, u Singh kreh u kamwa 12 kynta chi sngi wei ka tulop u man ko 1,800 hadooh 1,900 AED.
Hawa kheiñsap ya ka bai kylliang ya ka poisa (Exchange Rate), kani ka poisa 1,800-1,900 man ko kamwa Rs 42,000 – Rs 45,000 chi bnai.
Ha ini i kreh, ka Company wa pynbiang ya ka thaw sah katwa hap bahkhlieh hi ki ya ka bai baam.
Em kiwa ong wa chah chim kabu kini kiwa kreh wei em won kiwa ong wa hap wow kreh chitom.
Discussion about this post