Rs. 500 booh dor ka JHADC wow chim ki Dolloi kam ka bai NOC, Land Holding wa Patta, ymtoh u chim palat dor

Ka MDC ka VPP, ka Laiawanlamjinghun Khynriam ynne ka sngi da kylli ko ha dorbar ka JHADC yei dor wa chah ya ki Dolloi wow chim ki hawa e NOC, hawa leh Land Holding Certificate wa Patta.

Hawa jubab yeini, u CEM, u Thombor Shiwat da ong u wa katkam ka hukum wa pynmih ha ka 13-09-24 da chah ya ki Dolloi wow chim ki Rs. 500 neibynta ka LHC wa Patta wa thymme wei Rs. 300 hawa pynkylla pyrtuid, pynheh wei pynbait ya kini ki kot.

Hajrong ini i jubab, ka Laiawanlamjinghun da ong ko wa em ki Dolloi wa chim palat bar yeini wei da kyrpaad ko ya u CEM wow chimkhia yeini.

Related posts

Ym em yoh myntoi ka JHADC nei pynlai Gas Pipeline: Daeimi Liam

March 19, 2026

Na ki 101 tylli ki DCLP School, 14 tylli pyndep Inspection ka JHADC ha u 2025-26

March 19, 2026

Hawa pynrap yeini, u Andrew Shullai da ong u wa ood ki paidbah wa yaleh ya ki kot thaw heiwa u Thombor leh da ong u wa da sñiaw u yeini tangwa emkaam u em ki sabut wa biang wow pynsakhiat wa leh ki Dolloi kamtæ.

U Thombor da ong u wa boonsien hawa klam ya ki Dolloi hajrong ini i chah pynbaad da kyntait bait ki wei neiliang u Andrew da tyrwa noh u wow e ki Dolloi da ki Receipt.