Uwa kamai Local Taxi ha Shillong uwa da thiah wiar yongbru deilang u thryrnia ha skep ha ki bynta u GS Road deiwa lai cha Motphran ynne i step, da chah daiñ kuna u Rs. 5000 ha ki pulit.
Ki pulit da pyntip ki wa ini da jia i heipor kamwa 10:40 i step heiwa da chem ya uwi u bru uwa da thiah wiar yongbru hapoh ka Taxi wa yah u heiwa da pynsangeh kari u leh ha sarok hadooh wa da wanrah yei sahkut kari.
Ya uni da rah cha Sadar Traffic Branch wei uni u bru toh u Khasi uwa na Nongrah Nonglum uwa 30 snem i rta.
Da chah pynngat kyndon u hapoh ka aiñ Motor Vehicles Act wei da suba leh wa pynemkaam drugs. Ki pulit da lai pyntip ki leh cha u District Transport Officer (DTO) yow pyndam noh ya ka License u.
Ini da pynkuslai ko ya ki paidbah lada u bru uwa ye u man uwa muaid drugs yah kari u.
Discussion about this post