Ka India wa ka Europe da pynkhreh ki wow soi ya ka soskular neibynta ka khayi pateiñ kawa da ong kiwa boon kam ka “Mother of all trade deals” heiwa da wan cha India da ka European Commission President, ka Ursula von der Leyen deilang u European Council President, u Antonio Costa.
Manda krehkaam kani ka soskular neibynta ka Free Trade Agreement, neilang kiwa khayi pateiñ ka India daw ye ki wow chalan ya ki mar ki cha 27 tylli ki ri wa em hapoh ka European Union deiwa khlem toh da ka dan wa heh kam nachwa wei em leh ki wym toh dan iyi iyi iwa daw pynmyntoi ya ka ri wow yoh nong hadooh Rs. 6.4 lak klur.
Neiliang ka India leh daw ah ko ya ka dan da 97% ya ki mar wa wan na Europe cha India wei kani man ko nadooh ki mar rep, ki kari, ki Chocolate, ki Wine wa kiwi de iwa mut daw hiar dor kini ki mar na Europe manda poi ki ha India.
Ki jylla ka India kiwa pynmih ki sla cha, ki that ki nep, ki mar wa kordor kam ki ksiar ki rupa, ki dawai dachin, ki Electronics, ki mar rep, ki tiar wa chna hi, ki chuki ki miej wa kiwi de daw yoh myntoi bha ki manda chalan ya ki mar ki cha Europe.
Discussion about this post