Sangeh syndet ka Truck hadooh wa kynthiar ka kari cha chiliang sarok | Lait ki le ngut nei mynsoo joor

Kawi ka kari Hyundai i20 kawa em le ngut ki chynrang da takha ko nei jia tyrrah kari ha thaaiñ Umiam heiwa ki le ngut kiwa chong hapoh ka kari da mynsoo ki ha i bynta ka kjat wa ha ka khlieh, tangwa neidaw wa yada ka Airbag yong ka kari, ym em da mynsoo joor ki.

Ini i tyrrah kari da jia i heipor 7:00 waje i miet ka sngi Republic Day, hadien wa kawi ka Truck da sangeh syndet ko wei uwa yah ka i20 da yaleh u wow khun yow yait ya ka Truck heiwa da lait nei mynsoo wa joor ya kiwa em hapoh kari tangwa kani ka kari da kynthiar cha chiliang u sarok yow poi mar dei khmat wa ki kari wa lai cheiliang Guwahati.

Ya kiwa mynsoo da kit cha Bhoirymbong Community Health Centre (CHC) yow chah sumaar. Ka Truck wa em ha ini i jia toh kawa thmu wow ku cheiliang Shillong wei uwa yah ka ym em mynsoo u iyi iyi.

Related posts

Da ki tadong pynlang snaam chem ha rood ka wah Myntdu

April 30, 2026

Yoh pynlait ya ka kynthai Khasi kawa dang 16 snem na Bengaluru kawa yut wa uwi u Muslim

April 30, 2026

Da pyntip leh wa kani ka kari i20 da tyrrah ko leh ya kawi ka Swift, tangwa kani ka Swift da yut ko cheiliang Guwahati.

Hadien kattu katni por, ki pulit yong ka Umiam Police Station dapoi ki cha kani ka thaw yow kyrriah ya ki kari yow lait nei sahkut kari.