theme-sticky-logo-alt
theme-logo-alt
Advertisement ad1

Sa 149 sngi ym yoh nongsngi ki Home Guard Volunteer wa kreh heipor ka khlam

Ki Home Guard Volunteer kiwa da kreh neibynta ka khlam COVID-19 ha ki snem wa dadep hapoh ka West Jaiñtia Hills kiwa kynthup ha ka chnong Saphai, Raliang, Amlarem, Phramer, Ummulong wa Jowai ynne ka sngi da pyntip ki wa hadooh katni ka sorkar ympu dep ko u su ya ka nongsngi yong ki kawa da yakut wa ki Home Guard and Civil Defence hajrong i khut kreh ya ki heipor wa wan ka khlam COVID-19 nadooh ka 27 Wisu 2020 wei da pynkut ha ka 31 Kmaichonglad 2020. 

Katkam wa ong kini ki khynnah da em kamwa 112 ngut ki Home Guard Volunteer hapoh ka West Jaiñtia Hills District kiwa da dep kreh ha ini i por iwa man kamwa 280 sngi ha i dor wa T. 550 chi sngi katwa ka nongsngi wa da yoh ki man ko du 131 sngi wei dang sah sa kamwa 149 sngi.

Heijooh i por da pyntip ki wa neipor cheipor da lai mih ki cha ki chnat krehkaam ka sorkar heiwa da kdaw-kti iwi ya iwi wei hawa lai cha u Commandant ka Home Guards da phah ya ki cha u Deputy Commissioner ka District uwa da pyntip wa ya ka poisa ympu pynlait na ka SDMA, wei na SDMA da yoh jubab ki wa ympu yoh poisa na ka NHM kamtæ ter-ter. 

Da kyrpaad ki ya ka sorkar wow su noh ya kani ka nongsngi kawa dang sah hapoh ka 15 Kmaichonglad (Dec), 2021.

Chooh chooh da maham ki wa lada ymye wow su ya kani ka nongsngi yong ki kawa dang sah hapoh ka 15 Kmaichonglad neiliang yong ki ym yohsa de ki wot wow khang noh ya ka yung krehkaam ka Home Guards and Civil Defence kawa em ha Jowai. 

Share this:
Previous

Pynman ka JHDS yei e sikai wa ar sngi hajrong i chna marbaam ha Mynkre

Next

Dawa hiar huki ka HITO ya ki wym toh ki jaitbru ri-loom wa ksoh kaam ha ki Sports Association