U montri ka sorkar pyrdi uwa pait ya ka Consumer Affairs, Food & Public Distribution, u Ram Vilas Paswan ynne da pyntip u wa ki 3 tylli ki jylla, ka Odisha, Sikkim wa Mizoram da kynthup ya ki ha ka ‘Integrated Management of Public Distribution System’ (IM-PDS).
Hapoh kani ka Scheme daw pynkrehkaam noh ya ka “One Nation One Ration Card” yow pynsuk ya kiwa yoh myntoi na ka NFSA namo kiwa ksoh card rachon wow chim yei bhah yong na kiwon kiwon ki dukan rachon namo ki FPS wa em yaka ePoS hapoh ka ri deiwa pynemkaam ya ka card rachon hadien wa pynsakhiat ya u Aadhaar Number ha ki kor ePoS Device.
Ki jylla wa ki Union Territory wa da yoh myntoi na kani ka scheme em ki 17 tylli wa kynthup ya ka Andhra Pradesh, Bihar, Dadra & Nagar Haveli, Daman & Diu, Goa, Gujarat, Haryana, Himachal Pradesh, Jharkhand, Kerala, Karnataka, Madhya Pradesh, Maharashtra, Rajasthan, Punjab, Telangana, Tripura wa Uttar Pradesh.
Chooh chooh dang pyrchah leh wow pynpsiah ya kiwi ki jylla ha kani ka Scheme khnang wow poi ha ka thong wow man sakhiat ko ka Scheme kawa dei pynemkaam ya kawi ka Card yow yoh yaki mar baam na kiwon kiwon ki dukan rachon ha kwon kawon ka jylla wei ki jylla wa da kynthup ha kani ka Scheme da yooluti wow krehkaam ko nadooh u Naiynru 2020.
Ha u Naisaphra daw kynthup sa 3 tylli ki jylla, ka Uttarakhand, Nagaland wa Manipur katwa ki 13 tylli ki jylla won, ka West Bengal, Arunachal Pradesh, Assam, Meghalaya, Delhi, J&K, Ladakh, Chandigarh, Puducherry, Tamil Nadu, Chhattisgarh, Andaman & Nicobar, Lakshadweep Island dang pyrchang wow kynthup ya ki hadien.
U Paswan da kyntu u leh ya ki jylla wow krehlang ki khnang wow ye ki paidbah ka ri u yoh myntoi na ka.
Discussion about this post