Ynne ka sngi hadooh 5:30 i janmiet da em kamwa 200 ngut ki khynnah na kylleiñ ka ri deilang wa 40 ngut kiwa na Meghalaya kiwa da yoh u mih na Dhaka, Bangladesh yow psiah cha India lyngba ka Agartala-Akhaura International Land Port wa em ha ki bynta khappood Sonamura yow lai won na Agartala, Tripura cha Meghalaya.
Kini ki 40 ngut kiwa boon toh kiwa lai puræ Doctor.
Wow pynkreh ya ini, ka sorkar jylla da krehlang ko wa ka sorkar Tripura wow pdiang ya kini ki khynnah.
Chooh chooh ka sorkar jylla da yaklam ko wa ki sahep ka Indian Embassy ha Bangladesh wow suk i liwan ki khynnah na kani ka ri.
Neiliang u Deputy Commissioner (DC) wa Superintendent of Police (SP) ka Sonamura, Tripura da pynkreh ki leh yei baam ya ki khynnah ka jylla ki wow psiah biang chapoh ka ri.
Heijooh i por da booh leh ar tylli ki Super Deluxe Sleeper Coach wa ki pulit wow pyntikna wa liwan suk ki khynnah kamjooh da pynkhreh leh yei baam lyngba u DC ka East Jaiñtia Hills ha Circuit House, Khliehriat manda psiah ki chapoh ka jylla.
Waroh kattu da em kamwa 673 ngut na kyllieñ ka ri wa na kiwi ki ri kiwa da psiah cha India wa kynthup na Dawki International Land Port.
Discussion about this post