August 20, 2021
Advertisement
Advertisement
Ka sorkar jylla da phah ko ya ki Autonomous District Council wow phah chooh chooh ki e yumut hawa yatoh wa i pynkylla ya ka Sixth Schedule, wei da e por chi tayaw ya ki ADC wow phah e yumut cha ka sorkar kawa daw phah won cha ka Parliamentary Standing Committee.
Ka sorkar ynne ka sngi da lum ko ya ka yalang wa ki le tylli ki Autonomous District Council kiwa em ha ka jylla, wow yatai biang hajrong i pynkylla ha ka Sixth Schedule.
U Montri Rangbah ka Jylla, u Conrad Kongal Sangma da pyntip u wa ka sorkar India da pdiang ko ya iwa boon i e yumut yong ka jylla hawa yatoh wa ki pynkylla (Amendment) ya ka Sixth Schedule, khamtam kiwa rap kongsan wow pynkrehkaam ya ka aiñ kynthiar seiñ ki MDC.
Da ong u wa ka yalang wa ki ADC man ko leh wow ya phyllu yumut wow phah chooh chooh yei e yumut ka jylla ha kiwi ki bynta wa emkaam.
