Ki pulit yong ka West Garo Hills District da lai biang ki ynne ka sngi 28 tarik cha Rimpu Bagan, wei ha ini i khynra biang ya katai ka Farm House da chem ya kawi ka dwar wa khian wei hadien wa tympra ya kani ka dwar da chem wa em ki tiar tympdung wa kiwi ki tiar na katai ka thaw wa mantre da u Bernard N Marak.
Ki pulit da yoh ki wow kem ya 35 tylli ki Gelatin Stick, 100 tylli ki Detonator, 4 tylli ki ryntieh wa 15 tylli ki khnam, ya kini ki tiar da chimkti da ki pulit deiwa emlang kiwa sakhi na ki bru paidbah. Da ini, ki pulit da pynngat ki leh ya u Bernard hapoh yong ka aiñ Explosives Substances Act, 1908.
Ka kynhun na ka District Child Protection Unit wa ki pulit yong ka West Garo Hills District da lai ki wow khynra biang ynne ka sngi ya kani ka thaw yow chim ya ki sula wa ki kot ki sla yong ki khynnah kiwa da yoh wow pynlait na katai ka thaw.
Katkam ka kyrwoh na u Superintendent of Police ka West Garo Hills, da pyntip wa katkam ka Medical Report wa da e ki Doctor, uwi na ki khynnah wa da yoh u pynlait na katai ka thaw da chem wa da chah salitbor u wei da ujor FIR thymme pyrchah ya u Bernard hapoh yong ka aiñ POCSO Act.
Ya u Bernard da e bor da ka yung bichaar u Chief Judicial Magistrate wow ksoh ki pulit oo 8 sngi.
