Jowai : Hadien wada hiar u slap ka lyær ha kini ki tayaw wada dep kiwa da khyndang yaki yung ki sem, ki dukan dukdoh kamjooh leh yaki naar post light, ki dieñ ki siej wa kiwi kiwi.
Katkam wa yoh yutip na kiwa kreh ka MePDCL kamjooh na u DC ka West Jaiñtia Hills da ong wa neidaw wa joor ware ka lyær wow slap ha kiwa boon bynta ka East Jaiñtia Hills daw chimpor u chna ya ka light cha kini ki thain.
Ki chnong wadang dooh light la chitayaw tam kattu kynthup ki yaka chnong Biar, Chnongtymme, Nongryngkoh, Khonshnong, Lakadong, Tongkiad, Iooksi, Umdiengling, Priang Iawthymmei, Saphai wa kiwi kiwi.
Da pyntip wa ini i dooh light kini ki chnong toh neidaw wa ka line na Khliehriat da chah ktah bha ko niedaw wa sih kiwa boon ki line wa pynyooh light cha kni ki thani, kamtæ hap yaichah ki paidbah ki chnong sa kamwa ar taywa yow yoh light ki.
Discussion about this post