theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Sa kamwa T. 40 lak kam u Director ka Pala Group dang sah u su cha ki paidbah

Jowai : Ki Pulit ka Jowai Police Station chirup wa ki pulit ka East Khasi Hills ynne i janmiet heipor kamwa 5:00 waje da yoh ki u kem ya u Ioanis Pala na iwi i yung wa em ha Jingkieng, Shillong.

U Ioanis toh u Director ka Pala Group kawa em ha Jowai kawa pyllang poisa na ki bru deiwa kular ya ki wow e ya ka sut kawa heh.

Advertisement ad1

Ya ka Pala Group da sdang ha ki snem 2011-12 wei da man ko ka thaw kawa ye ki bru u pyllang poisa man ka sngi kawa lai bait heiwa da sdang ko u e yarap ya kiwa dooh, ki dhab yalehke football wa kiwi kiwi.

Ha u Naisan-Naiynru 2013 u snem da mih chiboon ki ujor pyrchah ya ka Pala Group heiwa ki pulit da thooh wei da kem ki leh ya kiwa kreh kani ka Group.

Ha u Naisaphra uni hi u jooh u snem ki bor pulit da kem ki ya kiwa kreh kamjooh leh da chim ki ya ki tiat ki tar kam ki Computer, ki Register wa kiwi kiwi kiwa em ha yung krehkaam kani ka Group wa em ha Ladthadlaboh Jowai.

Hei yaklam wa u Ioanis da khana u wa dang sah sa kamwa T.40 lak wa toh u su ka Pala Group cha ki bru.

Da saitkhooid u leh wa oo ym emkti u heiwon iwon leh wow pynwiar ya ka poisa kiwi.

Neiliang ki pulit dang pynman ki ya i takit hei yatoh wa ini waroh.

Advertisement ad1
Share this:
Previous

Ym hun ki dkhot ka UDP yei rai wow dam u kyrchaan ya ka PDF

Next

Da pynthymme ya i dor phniang charak