Kam chibynta wow pynkut ya ka World Environment Week hapoh ka jylla Meghalaya, neiliang ka jylla kamjooh ki District da e khusnaam ki cha ki chnong ha kylleiñ ka jylla yow tipmit yei kaam yong ki wow pynneh pynsah ya ka rymaw yow man kam ka nongmuna ya kiwi wow leh ya ka National Resource Management hapoh ka jylla.
1. Yei naam Best Village on Water Conservation Activities da yoh ka chnong Langsymphut, East Khasi Hills.
2. Yei naam Best Village on Land Reclamation Activities da yoh ka chnong Mynska, West Jaintia Hills.
3. Yei naam Best Village on Biodiversity Conservation Activities da yoh ka chnong Umpung, South West Khasi Hills.
4. Yei naam Best Village on Sustainable Livelihood Activities based on Natural Resource Management da yoh ka chnong Mawkyrdep, Ri-Bhoi.
5. Yei naam Best Village in Natural Resource Management Activities under MGNREGA-(VEC) da yoh ka VEC ka chnong Napak Adokgittim, East Garo Hills.
6. Yei naam Best Village in Natural Resource Management- General da yoh ka Mooshrot, West Jaintia Hills.
Najrong kini ha ki kyrdan ki District da saam khusnaam ki cha ka wi ka chnong wa da lehbha wow pynneh pynsah ya ka rymaw kiwa man kamni ha wah.
| No. | District | Village |
| 1 | Ri-Bhoi | Mawkyrdep |
| 2 | South West Khasi Hills | Umpung |
| 3 | East Jaintia Hills | Moolammylliang |
| 4 | East Khasi Hills | Mawteibah |
| 5 | West Khasi Hills | Nongpyndeng |
| 6 | East West Khasi Hills | Markasa |
| 7 | West Jaintia Hills | Mooshrot |
| 8 | South West Garo Hills | Chengkurigre |
| 9 | West Garo Hills | Kongtokpara |
| 10 | North Garo Hils | Ronggopgre |
| 11 | East Garo Hills | Nengmandalgre |
| 12 | South Garo Hills | Bilkona |
Kiwa yoh ya ka khusnaam naka jylla da yoh ki leh yaka song poisa wa T. 5 lak katwa kiwa yoh khusnaam hapoh ka District da yoh ki mar T. 3 lak.
Da e leh ya ka khusnaam wa kyrpang cha ki chnong wa ye u pynku yei boon wei pynheh yei khloo ha kini ki 10 snem (Best Village for net increase in Forest Cover in the last 10 years) iwa da yoh da ka chnong Eman Ringramgre waka Eringgre kiwa na South Garo Hills.
Yei naam Excellence in Community Initiative in NRM da yoh ka Syrwet U Barim Mariang Jingkieng Jri Cooperative Federation Ltd.
Yei naam “Village on Biodiversity Conservation” wa yoh da ka chnong Umpung, South West Khasi Hills yei ye ki wow yada ya ki dakha ha ka wah Umngi wei da yada ki leh yaka khloo wa em ki sim Myna kiwa da sdang wiar jait nei chah eiñ ha ki bru iwa da wanrah kylla wow man kam ka thaw uiñke suwari wei yoh khih leh ki bru.
Ka naam “Best Village in Natural Resource Management Activities under MGNREGA – (VEC)” wa yoh da ka Napak Adokgittim deilang wa 5 tylli ki VEC na East Garo Hils toh yei kaam yong ki wow pyn-im ya ka nan Tasek kawa pynemkaam ka chnong hei wow khwe dakha wei wow rep heiwa katni da boon biang ki dakha kamjooh ki sim wa wan na jngai wa ki jait lakang (Soft-Shelled Turtles) kiwa da wan biang .
Ka chnong Moolammylliang, East Jaiñtia Hills kawa em 960 ngut ki bru wa 150 tylli ki manyung da ye ki wow pynim biang ya ka chnong ka thaw kawa da chah ktah nei tih mooyong wei katni da man ko ka chnong kawa khooid wa yirngam bha. Wei nadooh u 2014 da thung ki la kamwa palat 10,000 tylli ki dieñ.
Na kini, 7000 tylli da thung ha ka khloo ka chnong wa tip kam ka “Khloo Kwai” wa kamwa 3500 tylli da thung hapoh wa charood ka chnong.
