15 49.0138 8.38624 1 0 4000 1 https://wyrta.com 300 0
Advertisement ad1

Saam ki chi lok da ki satri cha ki khynnah khonswet ha NEIMA Orphanage

0 Comments
Advertisement ad1

Jowai: U President warim ka HYC-Jaiñtia Hills Unit u Damanleki Lathong chirup wa ki lok yong oo wa kynthup ya u Pyndap Shadap wa u Siraj Langstang kiwa man leh kam ki bru wa kreh mon sñiawbha hapoh ri-loom Jaiñtia da lai e yarap ki da ki satri ya ki khonswet wa ri ka NEIMA Orphanage kawa em ha Sahsniang, West Jaiñtia Hills District ha ka 25 tarik uni u bnai.

Ha chwa wow saam ya kini ki satri da pynman ya ka yalang wa tbian heiwa da yoh yei klam maitphang, pdiang sñiawbha wa kamjooh i e khublei da u Teimi Langstang, uwa pait ya kani yung ri khonswet.

Da emlang leh u Waheh Chnong ka Sahsniang, u Yul Sungoh uwa da sneiñ da kyntu ya kini ki khynnah wow man ki kiwa minot wa kiwa emsalon. Neiliang u Pyndap Shadap da kyntu u ya ki khynnah wow man ki kiwa kreh chitom ha ka puræ puthi yong ki, neibhah da ong u wa du nei kreh chitom wei leh bniah ha ki kaam ki jaam iwa ye u pynyoh ya ka mynried wa tyrchaaiñ lyngba i chakri ka NEIMA.

Neiliang yong u Damanleki Lathong hei klam yong oo, nyngkong da yaroh u ya ka NEIMA kawa kreh chitom wow ri u sumaar ya ki khonswet ha waroh i liang. Da pynsñiaw u leh yei sñiawkmen wa da yoh u emlang wa ki khynnah wei da kyntu u ya ki wa ymtoh u sñiaw wa kam ki khonswet ym em ki waheh wow yah luti ya ki wei ymhoi u sñiaw dooh mynsien wei toh u em ki ka thong wow mih chakhmat ha ki liang waroh neibhah ya ka mynried yong i ym ye u chaniah du ha kiwi wow saiñdur ya ki wei emkaam u em i kreh chitom ka yong i dæ.

Da ong u leh wa kani ka e satri man ko kam ka yarap kawa khian tam hawa pait yei emkaam waroh, wei da wan ki leh wow wanrah ya ka sñiawjan hapyrdi yong ki.

Da pynkut u deiwa ong wa lada pait ya ki bru wa khroo ha ka pyrthai kiwa da poi cha kliar i burom toh kitu kiwa da maad ya ki yaleh wa chyrkhei bha, kiwa em ka mynsien wa chynrang wa kiwa yaichah wei yaineh ha ka yurim kawa skem hapyrdi ki yaleh.

Advertisement ad1

0 Comments

Leave a Reply