U montri rangbah ka jylla u Conrad K Sangma ynne da saam u daki kor loor lyngkha haka yalang wa pynman daka District Agriculture Office, West Garo Hills ha Agriculture Complex Sangsanggre, Tura.
U Conrad hei klam yong oo da ong u wa ka rep ka riang em ko boon ki laad ki luti wow pynkylla dur yei im ki bru wei emkaam wow e yei sikai yaki warep yow ye ki u rep katkam ka juk wa katni ka wow ye u pynku yeiwa ye ki wow pynmih.
Da ong u leh wa neidaw ka Lockdown da em boon ki bru kiwa da sdang wow thung da ki yong ki hi ki jhoor iwa man iwa bha i kaam wa da leh ki.
Da ban joor u leh yeiwa emkaam wow pynbiang yaki yaw ki haat yow ye ki warep u dai hei dor wa biang. Da pyntip u leh wa da wanrah yaka aiñ Livestock Marketing Act wei hapoh kani ka aiñ daw ye wow sdang yaki yaw ki warep namo ki Farmers Market hapoh ki District.
Neiliang uwa e buit u montri rangbah uwa man leh u MLA ka North Tura, u Thomas A Sangma, da ong u wa emkaam wow pynchlur yaki warep wow pynemkaam ki yaki tiar rep wa pynemkaam haka juk kawa katni yow ye ki u pynmih boon ki mar rep.
Katwa u Principal Secretary ka sorkar Meghalaya, u Dr. Shakeel Ahmed da ban joor u yei emkaam wow pynku yaka rep ka riang kawa daw yarap leh yei yoh i kot ka ri deiwa pynrap wa ka rep ka riang toh u budloom ka imlang sahlang wei emkaam wow tipmit yaki warep yeini i kaam yong ki.
Da emlang ha kani ka sngi wa u Deputy Commissioner, West Garo Hills, u Ram Singh, Superintendent of Police, West Garo Hills, u Dr. MGR Kumar, Additional Deputy Commissioner & PD, DRDA, Tura u CN Sangma, District Agriculture Officer u MD Sangma wa kiwi kiwi.
