U Montri Rangbah ka jylla, u Conrad K. Sangma deilang wa u Montri ka chnat Puræ Puthi, u Rakkam A. Sangma ynne da pynlait ki ya ki kot NCERT yong ka Meghalaya Board of School Education (MBOSE) haka yalang Teachers Initiative Conclave, wa da pynman ha Theological College, Tura.
Ha kani ka jooh ka yalang da saam leh 458 tylli ki chithi thung kreh ya kiwa sikai ha ki Government LP School wei da man ko ka sien nyngkong wa da leh yeini deiwa bood yaka Roster System.
U Conrad hawa e yei klam da kyntu ya kini kiwa dang chah thung kreh wow chimkhia ki yei kaam yong ki wei wow embynta ki waka sorkar yow pynkylla dur yaka jylla.
Kini ki chithi wa da saam toh 94 tylli yaka North Garo Hills, 66 tylli yaka East Garo Hills, 67 tylli ya ka South West Garo Hills, 151 tylli yaka South Garo Hills wa 80 tylli yaka West Garo Hills. Ya kiwi won ki District ka jylla daw saam ya ki chithi thung kreh ha kani ka 26 tarik ha Shillong.
Discussion about this post