Saam u Dr. Mukul ya ki masi wa khlan u pynmih dud cha ki SHG ka Betasing C&RD Block

Ampati: U Montri Rangbah ka jylla u Dr. Mukul Sangma ynne ka sngi da saam u ya ki masi wa khlan u pynmih dud “High yielding variety of cattle” cha ki 5 tylli ki SHG ka Betasing C&RD Block ha South West Garo Hills hapoh ka scheme “Livestock Mission” ka sorkar jylla.

Ya kani ka yalang saam masi da pynman da ka tnat AH & Veterinary Department hei krehlang wa ka Basin Development Unit, South West Garo Hills heiwa da wan leh ka Chairperson, Meghalaya Resources & Employment Generation Council, Dikkanchi D. Shira, Chairperson, State Development Reforms Commission, ka Bluebell R. Sangma, u CEM, GHADC u Boston Marak, u Deputy Commissioner C.V.D. Diengdoh, ki heh sorkar wa ki warep.

10,000 tylli ki manyung hapoh ka jylla, 5,000 tylli ki man yung na ki le tylli ki block na ri-loom Garo wa 5,000 tylli ki man yung na ki le tylli ki block na ri-loom Khasi-Jaiñtia daw yoh myntoi ki na kani ka Dairy Farming Scheme heiwa ki masi wa khlan u pynmih dud wa tip hei ktien pharæng kam ki Holstein Friesian (HF) daw saam cha ki warep.

U Dr. Mukul hei klam yong oo da ong u wa emkaam u chna laad ya waroh yow ye ki u yoh khih yow im ja ki wei ka kaam ri masi yow pynmih dud toh kawi na ka khih wa da ku bha wei kawa yoh nong bha wei kawa ye u wailaad leh sa kiwi ki jait kaam wa mih na i dud kam wow chna baam wa kiwa ye kiwi ki wym em khih u sdang.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong u leh wa ka sorkar da pyrchang ko katwa ye ko yow pynneh ya kiwa sah cha palat chnong yow lait ki u hiar cha sor deiwa pynyoh laad ya ki wow khih ki pynha chingkiar yong ki wei kani ka psan masi wow pynmih dud man ko kawi na ki.

Chooh chooh da pyntip u wa kini ki masi HF toh kiwa yatoh bha ki u im hapoh ka jylla wei pynmih ki hadooh 40 Liter i dud chi sngi iwa mut yoh nong kiwa psan ki T. 16,000 chi bnai lada syndong bha ya kini ki masi.

Katwa yei dud wa pynmih kini ki masi u Dr. Mukul da ong u wa daw yarap ka sorkar ya ki deiwa wan pyllang ki ya i dud wei daw sikai leh ya ki khynroo khyllood u chna ya ki Chocolate, i Cheese wa kiwi kiwi ki baam wa ye u pynmih na i dood.