Hadien wa ka Delhi da man ko kam kawi na ki jylla wa chah ktah dooh ha kani ka la-ær wa ar ka khlam COVID-19 heiwa kiwa chah ktah da hap thiah ki cha lait wym yoh thaw hapoh ki Hospital kamjooh wa duna ki tadong la-ær, ha kini ki tayaw da yoo yei hiar kiwa dang yoh wei ynne ka sngi kiwa dang yoh da em ki du 51 ngut wei ym em leh kiwa dang yap heiwa ka sngi wa khadooh wym em kiwa yap toh ha ka 02-03-21.
Ynne da em leh 80 ngut kiwa da chait kiwa da poi waroh 14,09,910 ngut wei ynne leh kiwa chah ktah na kiwa chah Test da em ki 0.07% kawa tip leh kam ka Positivity Rate hadien wa Test ya ki 71,546 ngut. Kiwa dang chah ktah da em ki 592 ngut donhi. Waroh won kiwa da dep yoh ya uni u khñiang da em ki 14,35,529 ngut.
Deiwa kheiñ hadooh ynnin ka sngi, ki jylla wa duna dooh wa em kiwa dang chah ktah toh ha Andaman & Nicobar Islands (16), Dadra and Nagar Haveli and Daman and Diu (16), Chandigarh (53), Lakshadweep (73), Ladakh (103), Madhya Pradesh (221), Jharkhand (337), Rajasthan (496), Gujarat (532), Delhi (621), Uttarakhand (656), Bihar (755) wa ha Haryana (823) kiwa man leh ki jylla wa em hapoh 1000 ngut kiwa dang chah ktah.
