Jowai: Ka BJP ha kani ka Election MP wa dang dep, ha ki jylla ka thaaiñ mihsngi da leh bha ko ha ki 4 tylli ki jylla heiwa da yoh MP ko 14 ngut.
Haka jylla Assam na ki 14 tylli ki MP Parliamentary Constituency ka BJP da jop ko 9 tylli.
Haka jylla Arunachal Paradesh da jop ko na waroh ar ki Constituency heiwa u Kiren Rijiju da jop u na Arunachal West.
Ha jylla Tripura ka BJP da jop ko haka sien wa nyngkong deiwa jop waroh ar ki Constituency ka Tripura East wa Tripura West.
Ha jylla Manipur na ki ar tylli ki Constituency ka BJP da jop ko na Inner Manipur katwa yaka Outer Manipur da jop daka Naga Peoples Front.
Ha jylla Mizoram da jop ka Mizo National Front, ha jylla Nagaland da jop ka Nationalist Democratic Progressive Party wa ha Sikkim da jop ka Sikkim Krantikari Morcha kiwa em mar ka wi ka MP Parliamentary Constituency.
Ha jylla Meghalaya da jop ka NPP na Tura Parliamentary Constituency katwa ka INC da jop ko na Shillong Parliamentary Constituency.
Kamtæ na ki 8 tylli ki jylla sah sa ka Mizoram, Nagaland, Sikkim wa Meghalaya wa ym pu em yoh MP ka BJP.
Discussion about this post