Sah sa T. 18 klur tam ka bhah na ki mar pohkhyndaw wym pu em su cha ka JHADC

Ka poisa wa dang sah yow su cha ki Autonomous District Council ka Meghalaya da ka sorkar Meghalaya wa yoh lyngba ki mar pohkhyndaw dapoi ko T. 21,01,25,236 iwa da pyntip da u Montri ka chnat Pynroi Sor u Sniawbhalang Dhar heithaw u Montri Rangbah u wym em ha ka dorbar ynne ka sngi.

Ka poisa kawa dadep pynlang lyngba ki mar pohkhyndaw (Major Mineral) kam u Mooyong nadooh u 2019-20 hadooh u 2021-22 dapoi ko T. 754,06,43,565. Heiwa ka bhah na u mooyong kawa 75% lai ko cha ka sorkar katwa ka 25% lai ko cha ki ADC. Tangwa kiwi won ki mar pohkhyndaw 40% lai ko cha ka sorkar jylla katwa 60% won cha ki ADC.

Kamtæ ka bhah wa toh u yoh ki ADC nadooh u 2019-20 hadooh ka 2021-22 toh T. 174,63,77,654 heiwa ka sorkar dadep ko wow e T. 209,39,36,458 wei kawa sah da man ko T. 21,01,25,236.

U Sniawbhalang da pynche u leh wa hanla kawa toh u su man ko T. 174 klur tam tangwa da su T. 209 klur tam neidaw wa da e ya ka Advance Payment cha ka GHADC.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Nadooh u 2019-20 hadooh u 2020-21 cha ka GHADC waroh dadep su T. 129 klur tam, cha ka KHADC T. 23 klur tam katwa cha ka JHADC T. 57 klur tam.

Cha ka KHADC wa dang sah toh T. 2,83,13,587, JHADC T. 18, 18,11,649 katwa ka GHADC da yoh ko ya ka Advance Payment kawa T. 55,76,84,040.

Hawa kylli u MLA ka Rangsakona, u Zenith Sangma mynnu u pynlait ya kani ka poisa, u Sniawbhalang da ong hi-eh u wa daw yaleh u pynsmat katwa ye.