Na ki 27 ngut kiwa chong chnong ka Meghalaya kiwa da lai cha Israel neibynta ki kaam niam deiwa lai leh cha Jerusalem, da sahkut ki ha Bethlehem hadien wa da man thma hapyrdi ka Israel wa Palestine ynne ka sngi.
Na kini kiwa sahkut da kynthup ki ya u MP ka Rajya Sabha, u Dr. WR Kharluki deilang ka kurim u waka khon khynthai u kiwa da em ha Bethlehem kattæ.
U Montri Rangbah ka jylla, u Conrad Sangma da pyntip u wa da yaklam u waka Montri ka chnat Ministry of External Affairs yow wanrah biang ya kiwa chong chnong ka Meghalaya dei suk.
U Conrad da ong u wa kini ki 27 ngut kiwa sahkut toh kiwa da neh ha Bethlehem hadien wa mih syndet i kynaad hapyrdi ka Israel waka Palestine.
Ka Bethlehem toh kawa dang haap hapoh ka West Bank, Palestine wei jngai ko kamwa 10 Km na Jerusalem wei kini kiwa sahkut ye ki wow mih noh lyngba ka ri Egypt mynstep.
Kam wow pynkynmoo wa ka seiñ kieñ suloi ka Palestine wa tip kam ka Hamas ynne da siat ko 2000 tylli ki Rocket cha kiwa boon ki bynta ka Israel wei da psiah ki leh deiwa rah lang wa ki tiar yaleh iwa da pynman ya u Prime Minister ka Israel wow ong wa ini toh da man thma.
Puræ leh: Sahkut 27 ngut ki nong Meghalaya ha Bethlehem hadien wa khai thma hapyrdi ka Israel wa Palestine
Discussion about this post