15 49.0138 8.38624 1 0 4000 1 https://wyrta.com 300 0

Sahteiñ i chna pynmiat yaka surok Jowai-Shillong

0 Comments
Advertisement ad1

Jowai: Ki bru kiwa lai luti na Jwai cha Shillong lyngba u surokbah NH 44 daw haap ki u yaichah sa chibet chipor neidaw wa i chna pynmiat ïa uni u surok u dang chimpor i sa kattu katni bnai ong u bah M. Marbaniang Executive Engineer ka PWD (Roads) Jowai Central Division Jowai.

Hadien wa chna pynmiat ïa ka wynta yong kani ka surok kawa sdang nadooh Puriang haduh Mukhla da sih biang ko du hapoh le bnai nawa dep chna pynmiat (repair) ïa kani oo surok. Da dawa wow tip sakhiat i daw wa sih u da ka Right To Information (RTI) yow tip rap bniah hei ïatoh wa i chna torti ïa uni u surok. U EE hawa jubab ïa ka RTI da ong u wa i chna pynmiat ïa kani ka surok kawa 12 kilometer chongdor ko hadooh T. 9,66,91,394.00/- (khynde klur ynru phaw ynru lak khynde phaw wi hajar le spah khynde phaw soo tyngka) da sdang u kreh naka 7 tarik Naisan 2015. Ïa ini i kreh da chna haka M/S Dhar Construction Company Ltd wei wa da ong u leh wa i daw wa sih biang kani ka surok du hapoh 3 bnai toh neidaw wa chna deiwa pynemkaam da i psiang wym biang.

Advertisement ad1

U Engineer Marbaniang da ong u leh wa hadooh katni nei liang ka NHAI ym pu em u su ko chinaia leh ka poisa cha kani ka company kawa da chna torti ïa uni u surok.

Ha ka 16 tarik u nong paan RTI da lai peit u da oo hi heiwa da chem yei sakhiat wa ym pu em u su poisa cha ka M/S Dhar Company hadooh katni.

Ha kani ka jooh ka sngi u Engineer da ong u leh wa naka liang ka ophis ka yong oo da phah u cha ka Asam Engineering College u peit u sylli ïa ki tiar kiwa pynemkaam u chna pynbha  ïa uni u surok. Da ong u leh wa neitæ i daw rap chimpor sa kattu katni bnai wa u ïe u pyndep chna ïa kani ka surok kawa man u thied snaam yong ka jylla wa kiwi tawan ki jylla ha kani ka thaiñ.

Advertisement ad1

0 Comments

Leave a Reply