Jowai: Ka People’s Democratic Front (PDF) ynne ka sngi da pdiang burom ko ya u Timing Lyngdoh cha ka seiñ deiwa pynskem leh wow man u kam u kyrtong ka Party neibynta ka Election MDC ka JHADC na 10 Mynsngat-Khanduli MDC Constituency.
Ha ka yalang ynne ka sngi ha ka chnong Namdong B da emlang u President ka PDF, u Ivanlumlang Marbaniang, u Dipshon Ryntathiang, Chief Organising Secretary ka PDF, u Shibor Lamare, President ka PDF East Jaiñtia Hills District Committee wa kiwi kiwi.
Ya kani ka yalang da pynman dei kyrchaan ka Dorbar Chnong Namdong B kawa em kamwa 1500 ngut kiwa chong chnong kawa da rai wow kyrchaan ya u Timing Lyngdoh ha kani ka Election MDC 2019.
Kani ka yalang da pynlai ya ka da u Babu Apostol heiwa da yoh ya ki kyntien pdiang burom na u waheh chnong ka chnong Namdong B, u Andreas Sumer.
Ha kani ka sngi da jied leh ya kiwa kitkaam ka 10 Mynsngat-Khanduli PDF Committee – u Marbiangki War kam u President, u Dring Ksoo kam u Vice President, u Julius Pakma kam u General Secretary, u Rimiki War kam u Assistant Secretary, Roma Pale kam ka Treasurer, u Wanmi Dkhar kam u Organising Secretary, u Don Siangshai kam u Joint Secretary, u Maywillbe Lamare kam u Publicity Secretary wa kiwi kiwi ki dkhot.
Discussion about this post