Saitkhooid ka BJP hei yatoh wa ka Digital India Day kawa haap ha ka Good Friday

Shillong: Ka tnat krehkaam yong ka seiñ BJP hapoh jylla Meghalaya hei yatoh wa ka “Digi Dhan Mela” kawa tip leh kam ka Digital India Day da pynche ko yeini ynne ka sngi.

Kani ka Digi Dhan Mela toh iwa dap 100 sngi ka Digital India wei hap ko leh ha ka sngi kha u Dr. B.R. Ambedkar uwa man leh kam uwi na kiwa yahkhmat wow thoh ya ka riti synchaar ka ri.

Da ong ka seiñ wa kani ka sngi kawa da rai ko wow pynman kam ka Digi Dhan Mela da jia ryngkat kawa man leh kam ka Good Friday ha uni u snem.

“Ym em iwon iwon i thmu namo i leh khnang wow pynyaphær niam neibynta wa pynbna ya ka ‘Digi Dhan Mela’ ha ka sngi Good Friday” da ong u wa rahktien ka BJP, Meghalaya u Basu Chakraborty.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pynrap u deiwa ong wa ka seiñ burom ko ya ka “Good Friday” kam ka sngi kyntang ki Kristan wei yooluti u wa ymtoh u sñiaw bakla yeini wa mih ha ki khubor.

Kamtæ ka BJP Meghalaya da phah ko ya ka Sorkar Bei wow pynkylla tarik ya kani ka Digital India Day deiwa pyrkhat yei sniaw ki Kristan hapoh Meghalaya wei da pyntip ki leh wa ka Sorkar Bei daw leh ko yeiwa emkaam.

Kani toh katkam wa da pynche u Spokesman ka BJP, Meghalaya u Basu Chakraborty