Saitkti u AL Hek hei yatoh wa i sih ki dawai heipor wa man Montri ka chait ka khiah

Shillong: U montri warim ka sorkar uwa katni uwa man u kyrtong ka BJP na Pynthorumkhrah, u AL Hek da kyntait u wa ki dawai kiwa da sih (Expired) kiwa da e cha ki paidbah heipor wa man u kam u montri ka chait ka khiah wa ym em kti u ha kani ka kaam.

Hawa yaklam u wa kiwa pathai khubor, u Hek da kyntait u ya ini heiwa i dor dawai da poi ko kamwa T. 4 Klur tam.

Da pynksan u leh ya ini deiwa ong wa lada em kawon kawon ka kaam baamtooh ha ka tnat ka chait ka khiah ymtoh wa leh u.

I leh khaler ka tnat ka chait i khiah wow pynpyut hadooh T. 4.03 klur ki dawai wa thied na ka National Health Mission (NHM) kawa tip nachwa kam ka National Rural Health Mission (NRHM) ka Scheme na ka sorkar pyrdi toh wow e dawai cha ki paidbah wa dooh ha ka jylla.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Yeini da chem lyngba ka bui (Report) ka CAG ha u snem 2010-11 hadooh 2012-13 wa da em ka thied dawai kawa da poi hadooh T. 16.65 klur neibynta wow saam cha ki Hospital sorkar, ki CHC wa PHC.

Heijooh i por u Hek da pynbaad u wa waroh ki rai ha i por wa man u kam u montri sorkar, da leh hi da u Montri Rangbah khlem ap khlem sñiaw u ya i yumut wa e ki montri.

Hei yatoh won wa phah pyrtuid ya ki bru wow thung kaam sikai kawa jia ha u snem 2009 heipor wa ka montri ka tnat puræ puthi ka Ampareen Lyngdoh, u Hek da ong wa ym em yapher ko na ki MLA kam kiwa mihkhmat wow yarap ya ki paidbah hawa ki paan yarap wei chong ko ha ka montri wow bichaar.

Tangwa neilaing u heh ka BJP, u KJ Alphons uwa emlang, da pynksan u deiwa ong wa iwon iwon i kaam chong ko ha u namo ka montri wow chim ya ka rai kamwa da smai ki wow leh yeiwa hok wei man ko leh kam ki montri wow bahkhlieh ki.