Jowai: Ka Open Election Debate kawa ar sngi wa pynman da ka Jaiñtia Journalist Association (JJA) neibynta ki kyrtong MLA ki 7 tylli ki Constituency ka ri-loom Jaiñtia ha yung ka Kur Sookpoh Khad-ar Wyrnai, Chilliangraij, Jowai ynne ka sngi da poi ko chawa kut ya kawa da pynlai da u H.H.Mohrmen.
Ynne ka sngi da khut ya ki kyrtong ki 4 tylli ki constituency wa kynthup ya ka 4-Mookaiaw Constituency, 5-Sutnga Saipung Constituency, 6-Khliehriat Constituency wa 7-Amlarem Constituency heiwa da wan chimbynta du uwi u kyrtong wa naka 4-Mowkaiaw u Nehemayah Tyngkan u kyrtong ka INC.
U Nehemayah hawa klam da u ong u wa lada ki paidbah e ki i chaniah ha oo daw pyrchang u wow wanrah ya ka roi ka paar katwa ye hapoh ka constituency neibhah ka Constituency man ko kawa dang sahdien wei ka thong wa booh u toh neibynta ka Trade namo ka khayi pateiñ, ka kaamTourism namo ka kaam uiñke suwari, ka Health namo i chait i khiah, Employment namo ka yoh khih yoh kreh wa ka Education namo ka puræ puthi.
Hei yatoh wa ka khayi pateiñ da ong u wa nynkong dooh toh wow pynku ya ki yaaw wa em hapoh ka Constituency wei wow pynku ya ki mar rep mar riang.
Ka Tourism da ong u wa em chiboon ki thaw uiñke kiwa em harooh ka wah Kupli kawa da bna naam wei deiwa ye u pynku ya kani ka kaam daw wanrah ko ya i roi i paar wa i yoh khih yoh kreh deiwa kular leh wow chimkhia ya ka kaam puræ puthi hapoh ka Constituency hi waroh kawi deiwa pynku kyrdan ya ki Secondary School cha ki Higher Secondary School, wow booh ya ki thaw yaleh exam SSLC namo Matriculation wa kiwi kiwi.
Nalor kini ki thong waroh wa da booh ka kaam kawa hakhmat dooh toh wow pynku kyrdan ya ka Laskein C&RD Block cha ka Civil Sub-Division khnang wa ki paidbah u suk ki liang wanang ym du yong ka Constituency tangwa yong ka Block hi waroh kawi.
Discussion about this post